Градежната офанзива во Пехчево продолжува Print
Written by Живко Каликов   
Wednesday, 12 June 2013 11:11
There are no translations available.


Продолжуваат градежните активности за уредување и асфалтирање на неколку помали улици во Пехчево, што ќе придонесе за урбанизација на овој простор.

Завршени се градежните работи на пешачката улица која ги поврзува булеварот Борис Кидриќ и ул. Киро Медарски. Улицата е во должина од 40 метри и ширина од 3,5 метри, уредена е со бехатон плочки, додека средствата за изградба се обезбедени од буџетот на општината предвидени со годишната програма за оддржување на патната мрежа во градот.

,, Не запираме тука, во наредниот период ќе бетонираме и уредуваме уште. Задоволни сме од квалитетот и изработката на улиците, а уште позадоволни сме затоа што овие граѓани кои живеат тука, но и тие што поминуваат отсега тоа ќе го прават по уредена улица. Според планот, за овој период предвидено е уредување на централното градско подрчје, санација на ударните дупки во Пехчево и изградба на повеќе улици и патеки со бехатон плочки ’’, истакна градоначалникот Поповски.