На разговор со Градоначалникот на Општина Пехчево д-р Јованчо Станоевски беше целокупниот менаџерски и стручен тим на рудникот за бакар ,,Бучим,,од Радовиш кој исто така е во сопственост на ,,Солвеј,, од Русија.

Експертите го посетија Пехчево и местото каде треба да никне новиот рудник.Господинот Николајчо Николов управител на ,,Кадиица Метал,, и заменик генерален директор на Бучим изјави дека досега извршените истражувања ни влеваат огромен оптимизам во постоењето рудни резерви на оксиден бакар погодни за економска експлоатација.

,,Солвеј,, ги честеше општините со 170 000 евра,како дел од надоместот за концесија.

Три општини се опарија од Русите. Точно 11.5 милиони денари легнаа на сметките на Пехчево, Конче и на Штип. Ова е дел од концесискиот надомест за геолошки истражувања на рудни резерви,кои од февруари ги почнува ,,Солвеј,, преку своите две нови фирми ,,Кадиица метал,, и ,,Боров дол,,.

Пехчево ќе добие најмногу од концесискиот колач. Во буџетот на оваа пасивна малешевска општина ќе се слее сума од 115 000 евра.